E chiovi …


E chiovi,
sbrizziannu alleggiu alleggiu,
chiovi jìntra di lu cori,
chiovi supra lu mari
e chiuvennu acchiana
a lu straventu
assicutannu lu celu.

E chiovi …
chiovi macari
addintra nuvuli janchi
chi d’appressu la luna
canciunu culuri,
chiovi nta lu centru
di li stiddi scunfinati.

E chiovi …
chiovi nta tuttu l’insemi
mistiriusu di lu celu
comu chiovi
dintra di tia,
dintra di li to’ pinzeri
raccamannu nta li stiddi.

E chiovi …
chiovi vulannu cu lu ventu,
scinnennu sutta di lu mari
e cu sapi …
po dàrisi
ca forsi forsi chiovi
puru attornu attornu
e ntra lu menzu di nui.

E piove …

E piove,/ piove adagio adagio,/ piove dentro il cuore,/ piove sopra il mare/ e piovendo sale/ in aria/ inseguendo il cielo.// E piove …/ piove pure/ dentro le nuvole bianche/ che vicine alla luna/ cambiano colore,/ piove in mezzo/ alle stelle sconfinate.// E piove …/ piove in tutto l’insieme/ misterioso del cielo/ come piove/ in te,/ nei tuoi pensieri/ ricamando tra le stelle.// E piove …/ piove volando nel vento,/ scendendo in fondo al mare/ e chissà …può darsi/ che forse forse piove/ anche attorno attorno/ e in mezzo a noi.